Bizkaiko Ermitak

Ermitak, baselizak edo elizañoak eremuetan kokatu ohi dira, gure ohiturekin guztiz lotutako ezaugarri kulturalak iragarriz. Bizkaian zazpiehun ermita baino gehiago izan dira, egun laurehun inguru baino ez badaude ere. Horiek guztiak, bere errito eta usadioak barne, lurraldeko sakralizazioaren lekuko dira.

Donejakue bidearekin lotutako ermitak ezagutuko ditugu web horrialde honetan. Gehienak herri-eraikinak dira, barruan eskultura xume bezain ederrak dituztenak. Gaur egun ere erromeriak eta ospakizunak egiten dira baseliza horien inguruan, bizkaitarron aspaldiko debozioaren eta tradizioaren adierazle.